2 patay, 1 sugatan, 1 nawawala sa Nueva Ecija dahil sa bagyong Ompong

Nag-iwan ng dalawang patay at dalawang sugatan ang bagyong Ompong sa ating lalawigan.

Kinlala ang biktimang si Catherine Garcia y de Guzman, bente tres anyos, apat na buwang buntis, at residente ng Zone 1, barangay Calaocan, San Jose City.

Base sa report ng pulisya, bandang alas otso ng gabi noong September 15, 2018 nadaganan sa loob ng kanilang bahay si Catherine nang mabagsakan ito ng tumumbang puno ng mangga dahil sa masungit panahon.

Dakong alas otso naman nang matagpuan sa tabing ilog sa barangay Ariendo, Bongabon ang bangkay ng isang hindi pa nakikilalang lalaki na pinaniniwalaang nalunod. Pansamantala itong inilagak sa Palomaria Funeral sa barangay Palomaria.

Comatose si Janeth Balong y Cañezo, trenta’y syete, na nadaganan ng bubong ng kaniyang tindahan nang mabagsakan ito ng puno ng buli sa kasagsagan ng pananalasa ng bagyong Ompong noong September 16, 2018 alas nueve ng umaga.

Inulat ng Llanera Police Station na pinaghahanap pa rin ng Municipal Disaster Risk Reduction Management Council at mga barangay officials si Romulo Rojero y Jorda, trenta’y tres anyos, may asawa na natangay ng malakas na alon noong September 16, 2018 alas onse trenta ng umaga habang nangingisda sa Talavera Digdig River sa barangay Caridad Norte, Llanera.

Paalala po sa ating mga kaibigan, lagi po tayong maging alerto at mag-ingat dahil ang krimen ay nangyayari kahit saan, kahit kailan. Ako po ang inyong Bantay Krimen, Clariza de Guzman.


Leave a Reply

Your email address will not be published. Required fields are marked *