Pagkuha ng mga halamang nanganganib na maubos, ipinagbabawal ng DENR

Ipinagbabawal ng Department of Environment and Natural Resources (DENR) ang ilegal na pagkuha ng mga threatened plants o mga halamang nanganganib na maubos sa mga kagubatan sa bansa.

Ayon sa listahan na inilabas ng DENR Soccskargen noong September 4, 2020, ilan sa mga halamang itinuturing na “10 Commonly Poached Threatened Plants” ay ang orchids, tree fern o pako, molave bonsai, Cycad, Medinilla, Alocasia, Begonia, Zingiber o wild ginger, at Agarwood.

Nagbigay babala ang kagawaran na huhuliin ang sinumang mangunguha ng mga halamang nang walang permiso o pahintulot sa mga kagubatan alinsunod sa Republic Act 9147 o ang “Wildfire Resources Conservation and Protection Act” lalo na ngayong nahihilig sa pagtatanim ng mga halaman ang mga Pilipino na kilala bilang mga ‘plantito at plantita’.

Maaaring makulong nang anim na taon at isang araw hanggang labindalawang taon ang mga lalabag sa naturang batas o piyansa na nagkakahalagang isang daang libong piso hanggang isang milyong piso.

Base sa post ng Real Living sa kanilang website noong September 16, 2020, nakasaad na ang pangunguha ng mga halamang nanganganib nang maubos ay nakasasama sa kapaligiran dahil ito ang pinagkukunan ng pagkain ng mga insekto at iba pang hayop.

Batay naman kay DENR-Zamboanga Peninsula Executive Director Crisanta Marlene Rodriguez, maaaring makulong ang lalabag sa Administrative Order No. 2017-11 o ang pangongolekta ng mga threatened species ng halaman maliban na lamang kung may permiso galing sa kagawaran. – ulat ni El dela Cruz

https://www.youtube.com/watch?v=OOnMOxd4E4E&feature=youtu.be

3.5 bilyong katao sa mundo, maaaring magutom sa taong 2050

Nanganganib umanong magutom ang humigit-kumulang 3.5 bilyong katao sa buong mundo sa taong 2050 dahil sa kakulangan ng mapagkukunan ng pagkain dulot ng pagdami ng populasyon sa mundo.

Ito ay base sa Ecological Threats Register (ETR) report na isinagawa ng Institute for Economics and Peace (IEP) sa Sydney, Australia na inilathala nitong September 2020.

Inihayag ng IEP na sa taong 2050, tataas ng limampung porsiyento ang demand sa pagkain habang 260 milyon naman ang tinatayang bilang ng undernourished na katao sa parehas na taon.

Inaral ng naturang institusyon simula taong 2018 ang 157 bansa sa buong mundo kasama ang PIlipinas upang matukoy at makakuha ng datos ng ‘ecological threats’ o banta sa ekolohiya gaya ng pagdami ng populasyon, kawalan ng tubig, pagkaubos ng pagkain, tagtuyot ng lupa, baha, bagyo at pagtaas ng temperatura at lebel ng tubig.

Ayon sa kanilang pananaliksik, ang Pilipinas ay ang kaisa-isahang bansa sa Asia na kasali sa Top 12 States na may pinakamataas na kakulangan ng pagkain sa mundo.

Tinatayang 29 milyong Pilipino umano ang nakararanas ng pagkagutom sa bansa mula sa datos na kanilang pinagsama-sama simula taong 2018.

Naitala rin sa ulat na ang bansang Pilipinas ay ang pangalawa sa may pinakamalaking banta ng bagyo kasunod ng bansang Japan na nakararanas ng maraming bagyo sa loob ng isang taon.

Nangunguna naman ang mga bansang Afghanistan, Syria, Iraq, Chad, India at Pakistan sa labing-siyam na bansa sa may pinakamaraming ecological threats sa buong mundo. – ulat ni El dela Cruz

Reusable protective mask na produkto ng Middle East North Africa, marami umanong benepisyo

Marami umanong benepisyong makukuha sa reusable protective mask ng Living Guard Technology na produktong mula pa sa Middle East North Africa na inilabas sa Pilipinas noong buwan ng August 2020.

Ipinagmamalaki ng kompanya na nakatatanggal ang nasabing mask ng saraling bakteria o mikyobyo na kumakapit rito na nakukuha sa labas

Sa loob nito ay mayroong limang layer na nagsisilbing proteksyon, kabilang ang anti-stick cloth na nakalagay sa harap, filter cloth, activated carbon, high efficiency filter cloth at isa pang anti-stick cloth sa ilalim nito.

Pwedeng gamitin ang reusable mask na ito sa loob ng isang linggo at pagkatapos ay labhan sa ng tatlumpong minuto sa pamamagitan ng pagbabad rito sa malamig na tubig na may kasamang maliit na sabon.

Maaari itong labhan ng hanggang tatlumpong beses upang magamit muli hanggang sa susunod na taon.

Sanhi ng mabilis na pagdami at pag-taas ng kaso ng COVID-19 sa Pilipinas kaya isa ito sa napili ng RPG Distribution Services Incorporated na dalhan ng kanilang mga produktong reusable protective mask.

Ayon sa inilabas na balita ng Philstar Global, sinabi ni RPG President Anton Huang na masaya sila na naibahagi ang nasabing brand ng mask sa ating bansa dahil makatutulong aniya ito sa mas maraming Pilipino.

Makatutulong rin umano rin umano ang reusable mask na mabawasan ang nagagastos at nauubos na halaga ng mga Pilipino sa pagbili ng mga disposable mask na tinatapon pagkaraang magamit.

Nasubukan na rin na pumapatay ang mask na ito ng 99.9 percent na bacteria at virus sa Unibersidad ng Arizona sa ilalim ng pangangasiwa ng Environmental Microbiologist na si Dr. Charles Gerba.

Dahil pwede itong gamitin ng paulit-ulit ay sulit ang presyo nito na nagkakahalaga ng 995 pesos. Ulat ni Myrrh Guevarra.

Mga paraan upang makaiwas sa COVID-19, inilahad ng mga eksperto

Nagbigay ng ilang mga panagunahing paraan ang mga eksperto para sa mga dapat gawin ng mga nagtatrabaho, lumalabas ng bahay para mamalengke at mga taong nasa unang linya na humaharap sa pandemya o mga frontliners kung paano makakaiwas sa COVID-19.

Bukod sa mga protocols na ibinigay ng Inter Agency Task Force (IATF) na pagsusuot ng face mask, faceshield, pagdistansya sa tao at pananatili sa bahay ay nagpaalala rin ang Department of Health kung paano masisiguro na hindi kakalat ang mikrobyo o virus sa loob ng bahay.

Isa sa mga inirerekomenda ng kagawaran ng kalusugan ay ang paghuhugas ng mga gamit na dala mula sa labas at kaagad na paglalaba sa mga damit na ginamit ng buong araw.

Bukod pa rito ay nagpaalala rin ang DOH na gumamit lamang ng mga sertipikadong detergent o sabon na mabisang pang-alis ng mikrobyo sa mga damit.

Isa naman sa mga inirerekomenda at ine-endorso ng Philippine Society for Microbiology Incorporated ang Ariel detergent na nakapag-aalis ng 99.9 % ng virus at mikrobyo sa damit o mga cotton na una nang nasubok sa influenza virus.

Una rin itong nakilala at nasubukan sa merkado ng United Kingdon noong taong 1967 na kauna-unahang detergent na nakapagtatanggal ng mantsa sa damit.

5 taong gulang na batang lalaki mula sa GenSan, viral matapos mag order sa online ng pagkain

Viral sa social media ang limang taong gulang na batang lalaki mula sa General Santos City matapos na mag-order ng ibat-ibang klase ng pagkain sa online gamit ang cellphone ng kaniyang mga magulang.

As of September 10, 2020 ay umabot na sa 33,000 reactions, 7, 000 comments at 21, 000 na ang mga nag-share ng litrato ni Gab Gab kasama ang mga inorder nito na i-pinost ng kaniyang ama na si Angelito Respecia sa kaniyang Facebook accout noong September 4, 2020.

Laking gulat ng mga magulang ng bata na sina Angelito at Michelle nang dumating sa kanilang bahay ang food delivery dahil hindi naman sila umorder.

 Ayon sa panayam ng GMA News kay Angelito, nalaman nilang ang kanilang anak ang may kagagawan nito dahil nakikita raw ng bata kung paano sila umoorder ng pagkain gamit ang online delivery application.

Kabilang sa mga naorder ni Gab ay 3 zger terriyaki chiken, 2 bihon guisado, 8 zger sweet and spicy chicken, 1 cappuccino shake at 2 iced buko juice.

Umabot naman sa isang libo at dalawang daang piso ang mga pinamiling pagkain ng bata.

Dahil dito ay minabuti ng mag-asawang Angelito at Michelle na burahin o mag-uninstall na ng food delivery application sa kanilang cellphone upang hindi na maulit ang nangyari.

Vlogging community sa Pilipinas, nagluluksa sa pagpanaw ni Lloyd Cadena

Nagluluksa ang vlogging community sa Pilipinas, magmula nang pumanaw ang bente sais-anyos vlogger na si Lloyd Cadena.

Sa pahayag ng pamilya ni Lloyd na inilabas ng GMA-News noong September 8, 2020 na-confine ito sa ospital noong september 1 dahil sa mataas na lagnat at tuyong ubo.

September 3 ng lumabas ang resulta ng swab test nito kung saan ay nakumpirmang positibo ito sa COVID-19.

Sumunod na araw alas-singko ng madaling araw noong September 4 nang tuluyan itong binawian ng buhay.

Bukod sa kaniyang mga fans marami rin sa mga celebrity at vloggers ang nag-paabot ng pakikiramay sa Cadena Family.

Hindi umano nila makakalimutan ang kasiyahang naibahagi nito lalo na sa kaniyang mahigit walong milyong subscribers at followers sa youtube na laging nag-aabang sa kaniyang mga pakulo na ngayon ay isa na lamang ala-ala na iniwan sa kaniyang pamilya at mga taga-suporta.

Ayon sa google, mayroong dalawang option ang pwedeng mangyari sa account ng youtube user na pumanaw na; una rito ay ang pagsunod ng google sa plano ng creator na ginawa nito o gusto nitong mangyari sa kaniyang account bago ito mamatay at pangalawa naman ay maaaring makipag-ugnayan ang google sa mga naulilang pamilya ng creator para isara ang youtube channel na ito.

Samantala, maaari namang mag-request ang mga naulila nito para sa pondo at data mula sa youtube account ng namatay na creator.

Sa kasalakuyan ay iniuwi na ang abo ni Lloyd Café Cadena sa kanilang tahanan sa Cavite.

Si Lloyd Cadena ay kilalang isa sa mga nangungunang vlogger sa bansa na nagsimulang pasukin ang paggawa ng video noong taong 2011.

Cashless, contactless toll collection sa lahat ng expressway sa Luzon, simula na sa Nobyembre

Target ng Toll Regulatory Board na simulan sa November 2, 2020 ang cashless at contactless toll collection sa lahat ng expressway sa Luzon.

Alinsunod ito sa direktiba ng Department of Transportation Order 2020-012 na nilagdaan ni Transportation Secretary Arthur Tugade na gagawin nang electronic toll o gagamit ng Radio Frequency Identification (RFID) sa pagbabayad upang maiwasan ang pagkalat ng COVID-19.

Inatasan naman ng DOTr ang Land Transportation Office para pag-aralan ang mga pamamaraan upang pahintulutan ang bagong sistema, habang ang Land Transportation Franchising and Regulatory Board naman ang magbabantay kung sumusunod ang mga Public Utility Vehicles.

Ang mga expressway na magpapatupad ng contactless transactions ay ang South Luzon Expressway (SLEX), Manila-Cavite Toll Expressway (CAVITEX), North Luzon Expressway (NLEX), South Metro Manila Skyway, Southern Tagalog Arterial Road (STAR) Tollway, Subic-Clark-Tarlac Expressway (SCTEX), Cavite-Laguna Expressway (CALAX). Kabilang din ang mga road network at extension ng mga nabanggit na expressway na maaaring buuin

Davao, kinilala bilang “Cacao Capital of the Philippines”

Opisyal nang ginawaran bilang “Cacao Capital of the Philippines” ang lungsod ng Davao matapos ang ilang taong pagpapalago ng industriya ng cacao sa bansa.

Ito ang inanunsyo ng City Government of Davao sa isang virtual event na ginanap noong September 7, 2020 nang bigyang parangal ito ng Department of Agriculture.

Nanalo rin ang lungsod ng titulong “Regional Winner for Organic Program” sa ilalim ng kateoryang Local Government Unit (LGU) ng kagawaran.

Inihayag ni Davao Mayor Inday Sara Duterte  na ang produktong cacao ng Davao ay kilala bilang ‘world’s best’ sa industriya at dumarami umano ang mga chocolate makers sa ibang bansa na kumukuha ng cacao mula sa lungsod.

Ayon kay Duterte, simula taong 2015 hanggang 2019 ay may kabuuang bilang na 2,289 metric tons ng cacao na ang nagagawa ng Davao na tinaguriang may pinakamalaking kontribusyon ng naturang produkto sa buong bansa.

Karaniwan namang ginagamit ang cacao bilang pangunahing sangkap sa pagbuo ng tsokolate, cocoa powder at cocoa butter. – ulat ni El dela Cruz

Resulta ng clinical trial sa lagundi kontra COVID-19, ilalabas na sa Oktubre

Posible nang ilabas ang resulta ng pagsusuri para sa lagundi o chaste tree bilang gamot sa mayroong mild symptoms ng COVID-19 sa darating na October 2020.

Ito ay matapos aprubahan ng Food and Drug Administration (FDA) noong August 29, 2020 ang pagsasailalim nito sa clical trials upang makita kung may maganda nga ba itong epekto sa mga tinatamaan ng naturang virus.

Layunin ng Department of Science and Technology (DOST) na gamitin ang lagundi bilang gamot sa mga sintomas ng Coronavirus disease tulad ng ubo, lagnat at sore throat dahil magiging malaking ginhawa umano ito para sa mga pasyente.

Susubukan ang chaste tree sa 200 pasyente na mayroong mild symptoms ng nasabing sakit na kasalukuyang nakaadmit sa quarantine facility ng Sta. Ana Hospital, Quezon Institute Quarantine Center at Philippine National Police-National Capital Region Community Quarantine Center.

Matagal nang kilala ang lagundi bilang gamot sa ubo na isa sa mga sintomas ng COVID-19.

Ang lagundi ay isa lamang sa sampong halaman na naaprubahan upang magamit sa paggagamot ng naturang sakit.

May mga kompanya na tulad ng Ascof, Plemex at Lagundex na ginawa itong syrup at tableta na ibinebenta sa merkado.

Bukod dito ay ipinayagan na rin ang paggamit bilang herbal supplement ng Tawa-tawa o asthma plant laban sa COVID-19 na karaniwang supplement naman para sa mga pasyenteng may dengue.

Samantala ang paggamit naman ng virgin coconut oil kontra sa nasabing virus ay hindi pa pinapayagan dahil gagawin pa lang ang clinical trial nito. Ulat ni Belle Ramirez

https://youtu.be/-WyVL1MqoIM

Couture mask, ibinida ng isang sikat na fashion designer

Ibinida ng Kapampangan fashion designer na si Mak Tumang ang couture mask na kaniyang idinisenyo bilang pangontra sa pandemyang COVID-19.

Ang couture mask ay mga fashionable design o napapanahong disenyo ng mga mask na sinadyang gawin para sa mga modelo at kliyente.

Si Mak ay isa sa mga kilalang designer na nagdisenyo ng ibong Adarna at Mayon inspired gown na ginamit ni Miss Universe 2018 Catriona Gray.

Sa ibinahaging post ni Mak sa kaniyang Instagram at Facebook accounts, makikita ang mga mask na ginawa nito na may mga dahon ng plantitos at plantitas na kulay berde na nangangahulugan umano ng pag-asa at patuloy na pag-unlad sa kabila ng dinaranas na krisis ng mga Pilipino ngayon.

Ang plantitos at plantitas ay pinagsamang salita ng “Plant o halaman at tito’s at tita’s na nahihilig mag-alaga ng mga halaman.

Bukod sa couture mask ay kinagiliwan din ng mga netizen ang Lava mask na pareho sa tela at kulay ng evening gown na sinuot din ni Catriona Gray noong lumaban sya sa Miss Universe 2018.

Ang lava box at couture mask ni Tumang ay naglalaman ng isang set ng apat na piraso ng kanyang mga obra na may iba’t ibang kulay gaya itim, gray, pula at orange na pumapalo sa halagang dalawanglibong piso. Ulat ni Myrrh Guevarra

https://youtu.be/hOh36SIJGqE

Libreng repair ng computer, laptop at iba pang gadgets, handog ng isang computer programmer sa Tarlac City

Libreng repair ng mga sirang computers, laptop at iba pang gadget ang handog ng isang computer programmer ng Tarlac State University dito sa lalawigan ng Tarlac.

Ito ang tugon ng bente dos anyos na si Mark Anthony Perez ng Sitio Pagasa, barangay Tibagan, Tarlac City sa fund raising campaign na piso para pambili ng laptop ng mga mahihirap na estudyante sa mga social networking sites.

Naisipan ni Mark Anthony na tumulong dahil batid niya ang pinagdaraanan ng mga mag-aaral na kapos sa pinansyal na nahihirapang makasunod sa online classes na ipinatutupad ng Kagawaran ng Edukasyon at mga paaralan sanhi ng pandemyang COVID-19.

Kwento nya sa amin na galing din sya sa mahirap na pamilya, panganay sya sa kanilang anim na magkakapatid, at ipinagmamalaki nya na naka graduate sya ng kursong BSIT sanhi ng pagiging iskolar ng 4Ps program ng gobyerno.

Bata pa lamang ay nadiskubre na niya ang kanyang kakayahan, katunayan ang kanyang mga natanggap na panalo sa mga kumpetisyon, kung saan isa na ang nasungkit nyang first place sa PC assembly and networking noong sya ay High School student.

Sinimulan ni Mark Anthony ang libreng pagkukumpuni ng computer, laptop, tablets at iba pang gadgets ng mga mag-aaral noong August 27, 2020.

Umaabot na umano sa kasalukuyan sa tatlong daan ang humihiling ng kanyang serbisyo kaya naman kailangan na rin nya ng tulong.

Sa mga nais na sumuporta sa adbokasiya ay mangyaring bisitahin nyo lamang po ang kanyang Facebook Account na Mark Anthony Perez at ang kanyang YouTube Channel na Vlogs Kapanalig.

Pwede po kayong mag donate ng cash para may pang gas po sya ng motor sa meet ups at pambili ng parts ng mga kinukumpuni nyang sirang laptop at iba pang gadgets.- ulat ni Clariza de Guzman

https://www.youtube.com/watch?v=em6jHPurPKI&feature=youtu.be

Smart, inilunsad ang Giga Pro na may mas malaki at mahusay na data

Inilunsad ng Smart Communication Incorporated. Ang GIGA Pro na mayroong mas malaki, mahusay at mas pinabilis na data upang agarang makita ang mga impormasyon na nais malaman ng mga gumagamit nito.

Makakatulong umano ito ngayong may krisis sa kalusugan dulot ng COVID-19 kung saan ang mga empleyado, at mga mag-aaral mula sa ibat-ibang estado ay gumagamit na ng internet sa bagong pamamaraan ng pagtatrabaho at pag-aaral.

Ayon sa website ng Smart, ang GIGA Pro ay maaaring gamitin ng mga naka subscribe o gumagamit ng Smart Bro Prepaid at Smart Prepaid.

Ilan sa mga iniaalok ng GIGA Pro ay ang 3 Giga bites na magagamit kada-araw at may kasamang freebies para sa ibat-ibang application gaya ng videos, study, work, games and stories at may kasama rin na data access.

Halimbawa na rito ay ang GIGA Pro 199, na mayroong 27 Giga Bites na magagamit umano pangdata at masusulit sa loob ng isang linggo habang may kasamang 3 Giba Bites na masusulit kada araw sa kung anumang mapipiling freebies na kasama nito.

Bukod pa rito nag-ooffer din sila para sa mas mataas na halaga tulad ng GIGA Pro 599, na ma-eenjoy sa loob ng labinglimang araw, 3 Giga Bites para sa bawat araw na magagamit sa anumang freebies na mapili at may kasamang 12 Giba Bites para sa data access.

Samantala ang GIGA Pro 999 na umaabot sa 114 Giga Bites na uubos ng 3 Giga Bites bawat araw sa loob ng 30 days habang may karagdagang 24 Giga Bites na magagamit para sa data access.

Tiniyak naman ni Alfredo S. Panlilio, Smart President at CEO at Chief ng Revenue Officer ng PLDT na sisikapin nilang mas mapaganda pa lalo ang kanilang serbisyo upang mas maging madali para sa bawat Filipino ang paghahanap ng mga kailangan at mahahalagang impormasyon. Ulat ni Myrrh Guevarra

https://youtu.be/VXadzzuq-RQ

Gamot sa malaria, ginagamit panlunas sa COVID-19

Gumagamit umano ang mga ospital sa Pilipinas ng off-label drugs na Chloroquine at hydrochloroquine upang gamutin ang mga pasyente na nagpositibo sa coronavirus disease.

Kinumpirma ng Department of Health sa virtual press conference ang paggamit nito noong Miyerkules, April 15, 2020 .

Sa isang panayam kay Health Secretary Maria Rosario Vergeire ay sinabi nito na tinatawag itong off-label drugs sapagkat ito ay ginawa upang malunasan ang ibang mga sakit.

Dagdag pa ni Vergeire na ang Chloroquine at Hydrochloroquine ay gamot para sa malaria at rheumatoid arthritis at hindi maaaring bilhin sa kahit saang botika nang walang pahintulot ng registered physician.

Ang Hydrochloroquine ay inihahalo ng mga doktor sa azithromycin na ipinapainom sa mga tinamaan ng sakit na COVID-19.

Sa kabila nito ay nagbigay ng babala ang mga cardiologist sa paggamit ng mga naturang gamot sa mga pasyente na may sakit sa puso sapagkat maaari nitong mapataas ang panganib sa heart failure. Ulat ni Belle Ramirez