Mga lider ng Nueva Ecija, nagsama-sama sa ika-54 na kaarawan ni Gov. Oyie Umali

Tila buong lalawigan ng Nueva Ecija ang nagkaisa sa pagdiriwang ng ika-limampu’t apat na kaarawan ni Gov. Oyie Umali kasama ang mga lingkod bayan at lider ng iba’t-ibang sektor sa probinsiya na ginanap sa Crystal Wave, Talavera.

Kabilang sa mga dumalo ay ang mga miyembro ng Sangguniang Panlalawigan, mga namumuno sa tatlumpu’t dalawang bayan at lungsod, mga kapitan at konsehal ng brgy captains, mga pari, department heads at marami pang iba.

Kinantahan ng birthday song si Gov. Oyie Umali katabi ang kaniyang Misis/Former Gov. Cherry Umali at  mga OPM singers na sina Nina, Rey Valera at Randy Santiago.

Napuno ng masayang kantahan at sayawan ang buong gabi ng selebrasyon. Kung saan, hinarana ng mga sikat na OPM Singers ang mga bisita na kagaya nina Soul Siren Nina, Tawag ng Tanghalan Punong Hurado Rey Valera at ang Singer/Actor/Director na si Randy Santiago.

Dumalo rin sa naturang okasyon sina Dating Senador Jinggoy Estrada at nagpadala naman ng representante si Sen. Bong Go sa katauhan ni Presidential Anti-Corruption Commission Commisioner Greco Belgica.

Nagpaabot din ng pagbati ang mga kasama ni Gov. Oyie Umali sa paglilingkod sa lalawigan. Isa na nga rito ang kaniyang nakababatang kapatid at Bise Gobernador ng probinsiya na si Doc Anthony Umali.

Bago matapos ang gabi ay game na game ang Gobernador na naghandog ng mga kanta para sa kaniyang mga bisita. –Ulat ni Danira Gabriel

Watch – Mga lider ng Nueva Ecija, nagsama-sama sa ika-54 na kaarawan ni Gov. Oyie Umali

https://youtu.be/OfL6wphlduo


Leave a Reply

Your email address will not be published. Required fields are marked *