Pakikipag-ugnayan ng PDRRMC sa mga bayan at lungsod, patuloy para sa Bagyong Ompong

Pakikipag-ugnayan ng PDRRMC sa mga bayan at lungsod, patuloy para sa Bagyong Ompong

Patuloy na nakikipag-ugnayan ang Provincial Disaster Risk Reduction Management Council sa mga lokal na pamahalaan ng Nueva Ecija para sa Bagyong Ompong.

Kaninang alas-4:30 ng hapon ay pinangunahan ni Chief PDRRMO Michael Calma ang pagpupulong ng council kung saan kabilang ang mga ahensya ng gobyerno, mga pinuno at mga representative ng mga opisina ng Pamahalaang Panlalawigan.

Ayon kay Calma, naka-standby na simula kahapon, September 13, 2018, ang 40 heavy equipment at 41 manpower ng Provincial Engineering Office sa mga bayan ng Gabaldon at Quezon, sa lungsod ng Palayan, at sa Old Capitol Compound dito sa Cabanatuan.

Habang ang Department of Public Works and Highways naman ay 10 heavy equipment at 59 na tauhan ang ipinadalaa sa mga bayan ng Pantabangan at Carranglan, kasama ang Pinagpanaan-Rizal-Pantabangan Road at Pantabangan-Canili-Basal-Baler Road.

Nakahanda na ring rumesponde sa mga mangangailangan ng tulong ang Armed Forces of the Philippines – 703rd Brigade sa pamamagitan ng pagpapadala ng 16 na mga trucks at ambulansya na kasalukuyang naka antabay at on call sa Fort Magsaysay, Palayan City gayundin ang 2,300 members ng Nueva Ecija Police P0rovincial Office.

Naglaan din ang Department of Education – Nueva Ecija ng mga silid aralan sa mga bayan at lungsod kung sakaling kakailanganin ng karagdagang evacuation center.

Base naman sa ulat ng Provincial Social Welfare Development Office sa pakikipagtulungan ng Provincial General Services Office, ay nakapaghanda sila ng total of 3,290 food packs at 2,010 non-food packs na ipapamahagi sa mga maaapektuhan ng bagyo.

180 families na ang lumikas mua sa Pantabangan, 12 pamilya sa Gabaldon, 37 pamilya sa Gapan City at 5 pamilya naman dito sa Cabanatuan na kasalukuyang tumutuloy sa Old Capitol Compound.

Pinabulaanan naman ni Engr. Rose Bote, representative ng NIA-UPRIIS sa pagpupulong ang mga haka haka na ang Pantabangan Dam ay magpapakawala ng tubig.

Nilinaw nito na kung magpapalabas man ng tubig ang dam ay mag-aanunsyo siya 6 oras bago ang pagre-release.

Sa ngayon, ay nasa 213.80 meters pa lang ang lebel ng tubig sa Pantabangan dam at halos 7 metro pa ang layo nito sa spilling level na 221 meters.

Kaninang alas-8 ng gabi September 14, 2018 ay nagsimula na ang tuloy-tuloy na monitoring ng PDRRMC para sa Bagyong Ompong.


Leave a Reply

Your email address will not be published. Required fields are marked *